Home ഓരിയിടുന്ന കത്തോലിക്കാ ബുജികൾ

ഓരിയിടുന്ന കത്തോലിക്കാ ബുജികൾ

സോഷ്യൽ മീഡിയയിൽ ബുദ്ധിജീവി ചമയാൻ അവസരം നോക്കി നടക്കുന്ന ചില കത്തോലിക്കരുണ്ട്. അവരിൽ ചില പുരോഹിതർ പോലുമുണ്ട്. ക്രിസ്തു, സഭ, നിത്യത, കൂദാശകൾ, വി. ഗ്രന്ഥം, പ്രേഷിതത്വം, വിശ്വാസ ജീവിതം, സഭാചരിത്രം, ദരിദ്ര പരിപാലനം, പൗരോഹിത്യം, സന്യാസം, കേരള നവോത്ഥാനവും സഭയും തുടങ്ങി വിശ്വാസികൾക്ക് ഉപകാരപ്രദമായ വിഷയങ്ങളിലൊന്നും ഒരു സംഭാവനയും ഇവരിൽ നിന്നുണ്ടാകാറില്ല. മറിച്ച്, സഭയെയും സഭാനേതാക്കളെയും ആചാര്യന്മാരെയും അവഹേളിക്കാൻ എപ്പോഴാണ് സാധ്യത എന്നതിലാണ് അവരുടെ റിസർച്ച്.
പൊതുവേ സാമൂഹിക വിഷയങ്ങളിലും ഇക്കൂട്ടരെ കാണാറില്ല. കേരളത്തിൽ നാളുകളായി കണ്ടു കൊണ്ടിരിക്കുന്ന കപട മതേതരത്വം വിശകലനം ചെയ്യാനോ യഥാർത്ഥ ഭൂരിപക്ഷ-ന്യൂനപക്ഷ വർഗീയതകളെ തള്ളിപ്പറയാനോ നിലവിലുള്ള സാമുദായികമായ അസന്തുലിതാവസ്ഥ വെളിച്ചത്തു കൊണ്ടുവരാനോ ന്യൂനപക്ഷാവകാശ ധ്വംസനം ഉയർത്തിക്കാട്ടാനോ രാഷ്ട്രീയമായി ഉരുത്തിരിയുന്ന തീവ്രവാദ കൂട്ടുകെട്ടുകളെയോ മാധ്യമങ്ങളുടെ സിലക്ടിവ് റിപ്പോർട്ടിങ്ങിനെയോ വിമർശിക്കുന്നതിനോ കേരളത്തിലുള്ള ഭീകരവാദികളുടെ സാന്നിധ്യത്തെക്കുറിച്ചുള്ള UN റിപ്പോർട്ട് ഗൗരവത്തിലെടുക്കാനോ മെത്രാന്മാർക്കും വൈദികർക്കും സമർപ്പിതർക്കും സഭാസ്ഥാപനങ്ങൾക്കും എതിരേയുള്ള സംഘടിത ആക്രമണങ്ങളെ ചെറുക്കുന്നതിനോ സെക്ടുകളുടെയോ വ്യാജപ്രബോധകരുടെ യോ ആശയഗതികളെ ഖണ്ഡിക്കുന്നതിനോ ശ്രമിക്കാത്ത ഇക്കൂട്ടർ, ഇത്തരം വിഷയങ്ങളിൽ സഭാതലത്തിൽനിന്ന് ആരെങ്കിലും ഇടപെട്ടാൽ അവരെ കൊത്തിപ്പറിക്കാനും സഭയെ പിശാചുബാധിച്ചെന്നും സഭയ്ക്കു ഫോബിയയാണെന്നു മൊക്കെ വച്ചുകാച്ചാനുമായി ഉടൻ രംഗത്തെത്തിയിരിക്കും.
സഭ അനങ്ങാതെ, മിണ്ടാതെ, നിർജീവമായി കഴിയേണ്ടവളാണെന്നാണ് ഇവരുടെ പക്ഷം എന്നു തോന്നുന്നു. സഭയിൽ ചലനാത്മകതയുടെയോ ജീവൻ്റെയോ പ്രവാചകത്വത്തിൻ്റെയോ എന്തെങ്കിലും ലക്ഷണം കണ്ടുതുടങ്ങിയാൽ അത്തരം നിർണായക നിമിഷങ്ങളിൽ ഇക്കൂട്ടർ തൂലികയുമായി ചീറിപ്പാഞ്ഞെത്തും. പിന്നെ, തലങ്ങും വിലങ്ങും വെട്ടാണ്. ഇരവാദം, വർഗീയത, സഹജീവിഭയം, സംശയരോഗം, മുസ്ലീം വിരുദ്ധത തുടങ്ങിയ ചില സ്ഥിരം പദപ്രയോഗങ്ങളുടെ കുത്തൊഴുക്കാണ് പിന്നീടങ്ങോട്ട്. മേമ്പൊടിക്ക് ചില പുസ്തകങ്ങളുടെ പേരുകളും മറ്റും അടിച്ചുവിടും.
ചുറ്റുപാടും നടക്കുന്ന കാര്യങ്ങളെക്കുറിച്ച് യാഥാർത്ഥ്യബോധത്തോടെയോ സ്റ്റാറ്റിസ്റ്റിക്സിൻ്റെ പിൻബലത്തോടെയോ ഉള്ള വിശകലനങ്ങളല്ല അവരുടെ കുറിപ്പുകൾ; മറിച്ച്, കാല്പനികതയുടെ ഓളങ്ങളും സഭാവിരുദ്ധരുടെ ആശയങ്ങളും പുച്ഛത്തിൻ്റെ ഭാഷയും തിങ്ങിനിറഞ്ഞവയാണ്. സത്യം വിളിച്ചുപറയാനുള്ള ധൈര്യവും ആർജവവും കാണിക്കുന്ന പ്രവാചന്മാരെ നിശ്ശബ്ദരാക്കാൻ എത്ര നീചമായ ഭാഷയും പ്രയോഗിക്കാൻ ഇവർക്കു മടിയില്ല.
പ്രാവുകളെപ്പോലെ നിഷ്കളങ്കരാകാൻ പറയുമ്പോൾത്തന്നെ സർപ്പങ്ങളെപ്പോലെ വിവേകികളാകാനും ക്രിസ്തു നല്കുന്ന ആഹ്വാനം (മത്താ 10,16) ഈ ബുജികൾ കേട്ടിട്ടില്ലെന്നു തോന്നുന്നു. ഇത്തരം ബുജികൾക്കു പറ്റാത്ത പല കാര്യങ്ങളും കുഞ്ഞുങ്ങൾക്കു സാധിക്കാറുണ്ട്. അമേരിക്കയിലെ ഒക്കലോഹോമയിൽ അനേകം ആളുകളെ പങ്കെടുപ്പിച്ചുകൊണ്ട് ഒരു കറുത്ത കുർബാന (satanic mass) നടത്താൻ സാത്താൻ ആരാധകർ തയ്യാറായപ്പോൾ അതിനെ ചെറുത്തു തോല്പിച്ചത് ഇത്തരം ബുജികളല്ല, ഒരു കുഞ്ഞാണ്. ആയിരങ്ങൾക്കിരിക്കാവുന്ന ഓഡിറ്റോറിയമാണ് സാത്താൻ ആരാധകർ ഒരുക്കിയത്. പലരും ഇതിനെതിരേ പോലീസിലും കോടതിയിലും പരാതിയുമായി കടന്നു ചെന്നെങ്കിലും, വ്യക്തിസ്വാതന്ത്ര്യത്തിൻ്റെയും മതസ്വാതന്ത്ര്യത്തിൻ്റെയും പേരിൽ പരാതിക്കാരെ കോടതി കൈയൊഴിഞ്ഞു. എന്നാൽ ഈ ഹീനമായ കാര്യം കേട്ട ജൂലിയാന ലാസിറ്റൽ എന്ന ഒരു ജൂനിയർ സ്കൂൾ വിദ്യാർത്ഥിനി അവിടത്തെ ടിവി ചാനലിലേക്ക് എഴുതി: “എനിക്കിത് സഹിക്കാൻ പറ്റുന്നില്ല, ഇതൊരു തിന്മയാണ്, പ്രതികരിക്കണം.” ആ രാത്രി കാര്യങ്ങൾ മാറിമറിഞ്ഞു. ജനം ഇളകി. സഭ ഉണർന്നു. മെത്രാൻ്റെ നേതൃത്വത്തിൽ ഈ തിന്മയ്ക്കെതിരായി നടന്ന ദിവ്യകാരുണ്യ പ്രദക്ഷിണത്തിൽ നൂറു കണക്കിന് ആളുകൾ പങ്കെടുത്തു. ദൈവം അത്ഭുതകരമായി ഇടപെട്ടു. പിറ്റേന്ന് നടന്ന ആ തിന്മയിൽ പങ്കെടുത്തവർ വെറും വിരലിൽ എണ്ണാവുന്നവർ മാത്രമായിരുന്നു.
“ഉചിതമായ സന്ദര്ഭങ്ങളില് സംസാരിക്കാതെ പിന്വാങ്ങരുത്‌; ജ്‌ഞാനം നീ മറച്ചുവയ്‌ക്കരുത്‌”
(പ്രഭാ 4,23). ഗുരുതരമായ പല വിഷയങ്ങളിലും ഇതുവരെ സഭാധികാരികളും ക്രൈസ്തവ നേതാക്കളും പുലർത്തുന്ന നിസ്സംഗതയും നിശ്ശബ്ദതയും സഭയ്ക്കും സമൂഹത്തിനും വലിയ ദോഷങ്ങൾ ഉണ്ടാക്കിക്കഴിഞ്ഞു. ഇനിയും സഭ ഉറങ്ങരുത്. പൊതുനന്മയ്ക്കു വേണ്ടി അവൾ ഉണരണം. ആത്മവിമർശനം നടത്തുന്നതോടൊപ്പം അപ്രിയസത്യങ്ങളും സഭ സംസാരിക്കണം. പക്ഷേ, സാമൂഹിക-സാംസ്കാരിക-രാഷ്ട്രീയ വിഷയങ്ങൾക്കു വേണ്ടി സഭയുടെ ജിഹ്വയാകേണ്ടത് അല്മായ നേതാക്കളാണെന്നാണ് എൻ്റെ അഭിപ്രായം. നിലപാടില്ലാത്ത ആത്മീയ-അല്മായ നേതൃത്വങ്ങൾ വിശ്വാസീസമൂഹത്തിന് ഭാരമാണെന്നു പറയാതെ വയ്യാ; ഒപ്പം, കുറുക്കന്മാരുടെ ഓരിയിടലുകൾ അവഗണിക്കുക എന്നും.

1 COMMENT

  1. ഒരിയിട്ടയാൾ അറിയാൻ…

    https://m.facebook.com/story.php?story_fbid=10220438111435094&id=1000662483

    🔥⛪🔥
    പൊരുൾ:

    *”മനുഷ്യൻ_മനസ്‌സുതിരിയുന്നില്ലെങ്കില്‍ അവിടുന്നു വാളിനു മൂര്‍ച്ചകൂട്ടും; *അവിടുന്നു വില്ലുകുലച്ച്‌ ഒരുങ്ങിയിരിക്കുന്നു.*
    അവിടുന്നു തന്‍െറ ശരങ്ങളെ തീയമ്പുകളാക്കി, മാരകായുധങ്ങള്‍ സജ്‌ജമാക്കിയിരിക്കുന്നു.
    ഇതാ, *ദുഷ്‌ടൻ_തിന്മയെ_ഗർഭംധരിക്കുന്നു;* അധര്‍മത്തെ ഉദരത്തില്‍ വഹിക്കുന്നു;വഞ്ചനയെ പ്രസവിക്കുന്നു.
    അവന്‍ കുഴികുഴിക്കുന്നു; *താൻ_കുഴിച്ച_കുഴിയിൽ_താൻതന്നെ_വീഴുന്നു.*
    അവന്‍െറ ദുഷ്‌ടത *അവൻ്റെ_തലയിൽത്തന്നെ_പതിക്കുന്നു; അവന്‍െറ അക്രമം അവന്‍െറ നെറുകയില്‍ത്തന്നെ തറയുന്നു.”*
    (സങ്കീര്‍ത്തനങ്ങള്‍ 7 : 12-16)
    *
    *ഉച്ചത്തില്‍ മോങ്ങുന്ന* കത്തോലിക്കാ ജ്ജിബ്ബുകള്‍…!
    .
    =========
    =മുന്‍മൊഴി=
    .
    വിശുദ്ധ ജീവിതം നയിക്കുന്ന 99% വൈദികരെയും സന്യസ്തരെയും, ദൈവോത്മുഖരായി ജീവിക്കുന്ന നിരവധി അല്മായരെയും കര്‍ത്താവായ യേശുക്രിസ്തുവില്‍ സമര്‍പ്പിച്ചു കൊള്ളുന്നു. അവര്‍ക്കായി പ്രാര്‍ഥിച്ചുകൊണ്ടിരിക്കുന്നു…
    =========
    കപട വേഷധാരികാളായ മോങ്ങുന്ന ചില കത്തോലിക്കാ ജ്ജിബ്ബുകള്‍ക്കു വായിക്കാന്‍ മാത്രമാണിതെഴുതുന്നത്…!
    .
    *അനിവാര്യമായതുകൊണ്ടുമാത്രം…*
    .
    പി.എച്ച്.ഡി. യും, തിയോളജിയില്‍ മേല്‍കോയ്മയും, അവകാശപ്പെടുന്ന (സത്യസന്ധരുമുണ്ട്, വ്യാജരുമുണ്ട്) ചിലരുടെ അബദ്ധലേഖനങ്ങളെ എതിര്‍ക്കുന്നവരുടെ കമന്‍റുകള്‍ ഡിലീറ്റ് ചെയ്തും, എതിര്‍ക്കുന്നവരെ ബ്ലോക്ക് ചെയ്തും, *ആഗോള ബുദ്ധിജീവികളുടെ മേലങ്കി ധരിച്ചിരിക്കുന്ന* ചില കത്തോലിക്കാ പുരോഹിതരും അല്‍മായ കത്തോലിക്കരുമുണ്ട്, നമ്മുടെ അറിവില്‍…
    .
    യേശുക്രിസ്തു ഏകദൈവം എന്ന *സത്യം മറച്ചുവെയ്ക്കല്‍,*
    .
    ക്രിസ്തു സ്ഥാപിച്ച *തിരുസഭയെ നിന്ദിക്കല്‍,*
    .
    നിത്യതയിലേയ്ക്ക് ഒരേ ഒരു വഴി,
    അത് യേശുക്രിസ്തു മാത്രമാണ് എന്ന *സത്യം ഒഴിവാക്കല്‍,*
    .
    – *വിശുദ്ധ കൂദാശകളില്‍ വെള്ളം ചേര്‍ക്കല്‍,*
    .
    വിശുദ്ധ ഗ്രന്ഥമായ ബൈബിള്‍ വിട്ടിട്ട് *മറ്റു പലതും സ്വീകരിക്കല്‍,*
    .
    കത്തോലിക്കാവിശ്വാസ *ജീവിതത്തെ താറുമാറാക്കുന്ന പ്രബോധനങ്ങള്‍ ചമയ്ക്കല്‍,*
    .
    സഭാ ചരിത്രത്തെ വളച്ചോടിക്കുന്നവര്‍ക്കായി *കുടപിടിക്കല്‍,*
    .
    പരമ്പരാഗത ആരാധനാ ക്രമങ്ങളില്‍ *ദൈവീകമല്ലാത്ത മാറ്റങ്ങള്‍ എഴുതിച്ചേര്‍ക്കല്‍,*
    .
    ദരിദ്ര പരിപാലനത്തിന്‍റെ മറവില്‍ സഭയില്‍ കാട്ടിക്കൂട്ടുന്ന *അനീതികളെ പിന്താങ്ങല്‍,*
    .
    പൗരോഹിത്യത്തിനെതിരെ/ സന്യാസത്തിനെതിരെ ചില പുരോഹിതര്‍/ ചില സന്യസ്തര്‍ തന്നെ പാര പണിയുന്നതില്‍ തല്‍പ്പരരായവരെ *വെള്ള പൂശല്‍,*
    .
    തുടങ്ങിയ തിന്മകളില്‍ “വലിയ സംഭാവനകള്‍” ഇന്നും ഈ ജ്ജിബ്ബുകള്‍ നല്കിക്കൊണ്ടിരിക്കുകയും, അതേസമയം, സഭയ്ക്കും വിശ്വാസികള്‍ക്കും ഉപകാരപ്രദമായ വിഷയങ്ങളിലൊന്നും ഒരു സംഭാവനയും ഇവര്‍ നല്കാതിരിക്കയും ചെയ്യുന്നു,
    എന്നുമാത്രമല്ല, വിധേയത്വത്തിന്‍റെ മറ പിടിച്ച്, ഈ ജ്ജിബ്ബുകള്‍ സത്യവിശ്വാസികളെ വഴിതെറ്റിക്കാന്‍മാത്രം കൊണ്ടുപിടിച്ച് ലേഖനങ്ങള്‍ എഴുതിപ്പിടിപ്പിക്കാന്‍
    (…… *ആരെ വിഴുങ്ങണമെന്ന്*……) വ്യഗ്രതപൂണ്ട് ഓടി നടക്കുന്നവരാണ്…
    .
    ഈ ജ്ജിബ്ബുകളുടെ ലേഖനങ്ങള്‍ ഒന്നു ശ്രദ്ധിച്ചാല്‍ മനസ്സിലാക്കാം, അവര്‍ യേശുക്രിസ്തുവിനെയും, അവിടുത്തെ പ്രമാണങ്ങളെയും, സത്യം വിളിച്ചുപറയുന്ന കത്തോലിക്കാ സഭാംഗങ്ങളെയും ഏതുവിധേനയും അവഹേളിക്കാനാണ് ഈ ജ്ജിബ്ബുകളുടെ വേവലാതിയും, അവരുടെ ആകെയുള്ള ഔദ്യോഗിക റിസേര്‍ച്ചുകളെല്ലാംതന്നെ…
    .
    പൊതുവേ സഭയുടെ അടിത്തറ ഇളക്കുന്ന വിഷയങ്ങളെക്കുറിച്ചോ,
    സഭയുടെ കൂട്ടായ്മക്ക് തുരങ്കം വെയ്ക്കുന്ന സഭയ്ക്കുള്ളിലെതെന്നെയുള്ള പുഴുക്കുത്തുകളുടെ ചെയ്തികളെക്കുറിച്ചോ
    ഈ ജ്ജിബ്ബുകള്‍ ഒന്നും (ഓരിയിടാറില്ല),
    *ഇടപെടാറില്ലാ, ലേഘനിക്കാറുമില്ല.*
    .
    കേരളത്തിലും ഭാരതത്തിലും നാളുകളായി സത്യദൈവവിശ്വാസ ലംഘനങ്ങള്‍ നടത്തുന്ന കപട സഭാനേതൃത്വത്തെ *വിശകലനം ചെയ്യാനോ തിരുത്താനോ മുതിരാത്ത,* ഈവക ജ്ജിബ്ബുകള്‍;
    .
    തിരുസഭയിലേയ്ക്ക് പുതുതായി മാമോദീസാ സ്വീകരിച്ചവരെ കാലാകാലങ്ങളായി അവഗണിക്കുന്ന ചില സഭാ നേതൃത്വത്തെ *ചൂണ്ടിക്കാണിക്കാനോ, അവരെ തിരുത്താനോ തള്ളിപ്പറയാനോ മുതിരാത്ത,* ഈവക ജ്ജിബ്ബുകള്‍;
    .
    നിലവിലുള്ള സഭാ-ഹയരാര്‍ക്കികളും ഇടവകാംഗങ്ങളുമായുള്ള അസന്തുലിതാവസ്ഥകള്‍ വെളിച്ചത്തു കൊണ്ടുവന്നു *പരിഹരിക്കാനോ സമന്വയിപ്പിക്കാനോ മുതിരാത്ത,* ഈവക ജ്ജിബ്ബുകള്‍;
    .
    സത്യവിശ്വാസം പിന്തുടരുന്നവരോടു അവകാശ ധ്വംസനം നടത്തുന്ന സഭാധികാരികളുടെ ചെയ്തികളെ *തിരുത്താനോ ചൂണ്ടിക്കാട്ടാനോ മുതിരാത്ത,* ഈവക ജ്ജിബ്ബുകള്‍;
    .
    വിശ്വാസപരമായി ഉരിത്തിരിയുന്ന ദൈവീക ഇടപെടലുകളെ അംഗീകരിക്കാനോ, സഭയുടെ തലപ്പത്തു പ്രതിഷ്ടിക്കപ്പെട്ട ചില *മുട്ടുവാദ നേതൃത്വ കൂട്ടുകെട്ടുകളെ തിരുത്താനോ,*
    .
    സഭ്യ്ക്കുള്ളിലെ ചീഞ്ഞു നാറുന്ന സത്യങ്ങള്‍ മറച്ചു പിടിച്ചുകൊണ്ടുള്ള മാധ്യമങ്ങളുടെ സിലക്ടിവ് റിപ്പോർട്ടിങ്ങിനെ *വിമർശിക്കുന്നതിനോ മുതിരാത്ത,* ഈവക ജ്ജിബ്ബുകള്‍;
    .
    കേരള കത്തോലിക്കാ സഭയില്‍ ‘ഇടം’ കൈവശമാക്കിയിരിക്കുന്ന സഭാവിരോധ മനസ്സുള്ള തീവ്രസ്വഭാവമുള്ള ചില സഭാധികാരികളുടെ സാന്നിധ്യത്തെക്കുറിച്ചുള്ള വൈദികരുടെയും സഭാസ്നേഹികളുടെയും *റിപ്പോര്‍ട്ടുകള്‍ ഗൗരവത്തിലെടുക്കാനോ മുതിരാത്ത,* ഈവക ജ്ജിബ്ബുകള്‍;
    .
    യേശുവിനെതിരെയും, വിശ്വാസത്തിനെതിരെയും, തിരുസഭയ്ക്കെതിരെയും,
    സഭാ സ്ഥാപനങ്ങളില്‍ ജോലിക്കായി അപേക്ഷിച്ചവര്‍ക്കെതിരെയും, അവിടെ ജോലി ചെയ്യുന്നവര്‍ക്കെതിരെയും, സത്യം വിളിച്ചുപറയുന്ന മെത്രാന്മാർക്കും വൈദികർക്കും സമർപ്പിതർക്കും സഭാസ്ഥാപനങ്ങൾക്കും എതിരേ ചില സഭാധികൃധര്‍ നടത്തുന്ന സംഘടിത നീചപ്രവര്‍ത്തികളെ *ചെറുക്കുന്നതിനോ തടയാനോ മുതിരാത്ത,* ഈവക ജ്ജിബ്ബുകള്‍;
    .
    സഭയ്ക്കെതിരെ സംഘടിതമായി നീങ്ങുന്ന ചില സഭാധികാരികളുടെയും ,
    വ്യാജ പ്രബോധകരുടേയും ആശയ ഗതികളെ *ഖന്ധിക്കുന്നതിനോ എതിർക്കുന്നതിനോ മുതിരാത്ത,* ഈവക ജ്ജിബ്ബുകള്‍;
    .
    ഇത്തരം വിഷയങ്ങളില്‍ വിശ്വാസികളുടെ സത്യസന്ധതയില്‍നിന്നും ആരെങ്കിലും ഇടപെട്ടാല്‍, അവരെ കൊത്തിപ്പറിക്കാനും, ‘സഭാദ്രോഹി’ എന്നു മുദ്രകുത്താനും, ‘കള്‍ട്ട് അംഗം’ എന്നുമൊക്കെ വെച്ചുകാച്ചാനുമായി ഈ ജ്ജിബ്ബുകള്‍ *ഉടന്‍ രംഗത്തെത്തിയിരിക്കും…*
    .
    സഭയ്ക്കെതിരെ, സത്യവിസ്വാസത്തിനെതിരെ നീങ്ങുന്നവരെ എതിര്‍ക്കാന്‍ മുതിരാത്ത ഈവക ജ്ജിബ്ബുകള്‍ക്കെതിരെ സഭാമാക്കളാരും അനങ്ങരുത്,
    മിണ്ടരുത്,
    നിര്‍ജ്ജീവമായി ‘വിധേയപ്പെട്ടു’ എവിടെങ്കിലും കഴിഞ്ഞോണം,
    അങ്ങനെ കഴിയേണ്ടാവരാണ് ദൈവജനം, എന്നാണ് ഈവക ജ്ജിബ്ബുകളുടെ മനസ്സിലിരിപ്പ് എന്ന് തോന്നുന്നു.
    .
    സഭയ്ക്കെതിരേ,
    വിശ്വാസത്തിനെതിരെ,
    കൂദാശകള്‍തിരെ,
    സഭാമക്കള്‍ക്കെതിരെ ലോകം നീങ്ങുമ്പോള്‍, (ഉദാ:വിശുദ്ധ കുര്‍ബ്ബാന മദ്ധ്യേ വൈദികനെ വിളിച്ചിറക്കിയ നിയമം; വനപാലകര്‍ രണ്ടു മണിക്കൂറിനുള്ളില്‍ പാവപ്പെട്ടവനെ കിണറ്റില്‍ കൊന്നിട്ട കാട്ടുനിയമം… =ഇങ്ങനെയുള്ള ഒരു വലിയ നിരയുണ്ടേ=…), ഈവക ജ്ജിബ്ബുകള്‍ *ഒരിക്കലും നിഷ്പക്ഷമായി തൂലിക തൊടില്ല.*
    .
    എന്നാല്‍, സത്യവിശ്വാസം ഭാഗികമായിപ്പോലും ഉപേക്ഷിച്ചുകൊണ്ട്, സ്വന്തം സ്ഥാനമാനങ്ങള്‍ സംരക്ഷിക്കാന്‍ വെമ്പല്‍ കൊള്ളുന്ന സഭാധികാരികളെ എതിര്‍ക്കുന്ന എന്തെങ്കിലും ലക്ഷണം, ആരില്‍ നിന്നെങ്കിലും കണ്ടുതുടങ്ങിയാൽ അത്തരം “നിർണായക” നിമിഷങ്ങളിൽ ഈവക ജ്ജിബ്ബുകള്‍ *തൂലികയുമായി ചീറിപ്പാഞ്ഞെത്തും.*
    .
    പിന്നെ, വിലങ്ങും തലങ്ങും *‘തലോടലാണ്’*(?)
    കണ്ണടച്ചുള്ള വിധേയത്വം,
    സഭാസ്നേഹം,
    അനുസരണം,
    കള്‍ട്ട് രോഗം,
    വത്തിക്കാന്‍ വിരുദ്ധത,
    പാഷണ്ടത, ശീശ്മ, തുടങ്ങിയ ചില സ്ഥിരം പദപ്രയോഗങ്ങളുടെ കുത്തൊഴുക്കാണ് പിന്നീടങ്ങോട്ട്. മേമ്പൊടിക്ക്, സ്വര്‍ഗ്ഗം ആഗ്രഹിക്കാതിരുന്ന അവിസ്വസ്തതയുടെ ചില കൗണ്‍സില്‍ രേഖകളുടെ *നമ്പരുകളും മറ്റും അടിച്ചുവിടും…!*
    .
    കത്തോലിക്കാ വിശ്വാസത്തിനെതിരെ ചില സഭാധികൃതര്‍തന്നെ നടത്തുന്ന കാര്യങ്ങളെക്കുറിച്ച് യാഥാർത്ഥ്യബോധത്തോടെയോ സ്റ്റാറ്റിസ്റ്റിക്സിന്‍റെ പിൻബലത്തോടെയോയുള്ള വിശകലനങ്ങളല്ല അവരുടെ കുറിപ്പുകൾ; മറിച്ച്,
    എങ്ങനെയും സഭയെ അവഹേളിക്കുന്നവരെ രക്ഷിച്ചെടുക്കുന്നതിനുള്ള ‘ചങ്കൂറ്റവും’,
    ദൈവകല്പന ലംഘകരുടെ ആശയങ്ങളെ പ്രചരിപ്പിക്കുന്നതിലുള്ള തീക്ഷ്ണതയും,
    സഭാ അധികാര സ്വാധീന ലഹരിയില്‍ പ്രകടിപ്പിക്കുന്ന പുച്ഛത്തിന്‍റെ ഭാഷാശൈലിയും തിങ്ങിനിറഞ്ഞവയാണ് ഈവക ജ്ജിബ്ബുകള്‍ *എഴുതിപ്പിടിപ്പിക്കുന്ന പോസ്റ്റുകള്‍…*
    .
    സഭാസത്യങ്ങളെ സംരക്ഷിക്കാന്‍, ദൈവീക പ്രമാണങ്ങളെ പ്രകീര്‍ത്തിക്കാന്‍, രാജാവ് നഗ്നനാണെന്നു വിളിച്ചുപറയാനുള്ള ധൈര്യവും ആർജ്ജവവും കാണിക്കുന്ന സാധാരണ സഭാമക്കളെയും, ദൈവം സ്പര്‍ശിച്ച പ്രവാചന്മാരെയും നിശ്ശബ്ദരാക്കാൻ ( *അതെവിടെ നടക്കാന്‍?*) എത്ര നീചമായ ഭാഷയും പ്രയോഗിക്കാൻ ഈവക ജ്ജിബ്ബുകള്‍ക്കു മടിയില്ല.
    .
    *”നിങ്ങളെ_പിന്തുടർന്ന്‍ ഞങ്ങളും_ഈ_വലിയ_തിന്മകൾ_ചെയ്യണമോ?”*(നെഹമിയാ 13:27) എന്ന ചോദ്യം ഈവക ജ്ജിബ്ബുകളോട് ചോദിക്കാന്‍ പോകുന്നവര്‍ അമ്പേ, നാണം
    കെടുകയേയുള്ളൂ…
    . *”വൃക്ഷങ്ങളുടെ_വേരിനു_കോടാലി #വെയ്ക്കപ്പെട്ടുകഴിഞ്ഞു_നല്ല_ഫലം_നൽകാത്ത_വൃക്ഷങ്ങളെല്ലാം_വെട്ടി_തീയിൽ എറിയപ്പെടും.”*
    എന്ന തിരുവെഴുത്ത് ഈവക ജ്ജിബ്ബുകള്‍ *വായിച്ചിട്ടില്ലെന്നു തോന്നുന്നു…!*
    .
    ഈവക ജ്ജിബ്ബുകള്‍ക്ക് സാധിക്കാത്ത പല കാര്യങ്ങളും *സാധാരണ വിശ്വാസിക്ക് സാധിക്കാറുണ്ട്.*
    .
    2015ല്‍ ഒരു കേരള-സിനഡില്‍ യോഗ വിദഗ്ദയായ Dr.സന്യസ്ഥയെക്കൊണ്ട്, 50തില്‍പരം മെത്രാന്മാര്‍ക്ക് കുണ്ഢലിനി സര്‍പ്പത്തെ പരിചയപ്പെടുത്തിയ സഭാധികാരി, പിറ്റേ വര്‍ഷം, യോഗ ക്രിസ്തീയമല്ലാ എന്നു പ്രസ്ഥാവനയിറക്കിയത് കുഞ്ഞുമനസ്സുള്ള നിരവധി സഭാമക്കളുടെ പ്രതികരണങ്ങള്‍ക്കു ശേഷമായിരുന്നു….
    .
    അമ്പതില്‍പരം മെത്രാന്മാര്‍ പങ്കെടുത്ത ഈ സിനഡില്‍, *എന്താണ് ഒരുക്കപ്പെട്ടത്?*
    .
    സഭാമക്കള്‍ എവിടെയാണ് *ഈവിധ തിന്മകൾക്കെതിരെ പരാതി നല്‍കേണ്ടത്?*
    .
    പരാതി പലതവണ നലികിയിട്ടും *മറുപടി ലഭിക്കാത്ത സന്ദര്‍ഭങ്ങളെ ആര് അഡ്രസ്‌ ചെയ്യും?* (ജലന്തറേനിയന്‍-കുറവിലങ്ങാട്ടു പരാതിപുരാണം വായിക്കാം…)
    .
    കുറ്റം ആരോപിക്കപ്പെട്ടയാളെ, പ്രത്യക്ഷമായി കുറ്റം ചെയ്തെന്നു തെളിയിക്കപ്പെട്ടിട്ടും, ഒറ്റ രാത്രികൊണ്ട് ജഡ്ജിയെ മാറ്റി, കുറ്റം ആരോപിക്കപ്പെട്ടയാളെ ശിക്ഷയില്‍ ഇന്നും ഒഴിവാക്കാന്‍ മാത്രം, സാത്താന്‍ ചില കത്തോലിക്കാ സഭാധികാരികളെ പിടിച്ചടക്കിയിരിന്നത് ഈവക ജ്ജിബ്ബുകള്‍ കണ്ണും കാതും അടച്ചിരുന്നു മനസ്സിലാക്കിയതിന്‍റെ അങ്കലാപ്പ്, ഈവക ജ്ജിബ്ബുകളുടെ മുന്നേയും പിന്നാലെയുമുള്ള ലേഖനങ്ങളില്‍ *പ്രത്യക്ഷമായിത്തന്നെ വായിച്ചെടുക്കാനാകും…!*
    .
    വീണ്ടും, മറ്റൊന്ന്:
    പായ് വിരിച്ച് വിജാതിയ സങ്കല്‍പ്പത്തെ മുട്ടുകുത്തി കുമ്പിട്ട കണ്ണൂര്‍ ഫെയിം സഭാധ്യക്ഷന്‍ പാവം, ആ പ്രവര്‍ത്തിയുടെ തെറ്റ് മനസ്സിലാക്കി, പൊതുവായി മാപ്പ് പറഞ്ഞതും, ഈവക ജ്ജിബ്ബുകള്‍ എന്തെങ്കിലും ലേഖനിച്ചിട്ടല്ല – മറിച്ച്, കുഞ്ഞുമനസ്സുള്ള *നിരവധി സഭാ സ്നേഹികളുടെ തകര്‍പ്പന്‍ പ്രതികരണങ്ങള്‍ക്ക് ശേഷമായിരുന്നു…!*
    .
    ഒന്നുകൂടിയിരിക്കട്ടെ:
    പച്ചമാമാ പ്രതിമയെ എഴുന്നെള്ളിച്ച വകയിൽ കത്തോലിക്കാ വിശ്വാസ ലംഘനം നടത്തിയ കർദ്ദീനാൾ സംഘത്തെക്കുറിച്ച് ഈവക ജ്ജിബ്ബുകള്‍ *എന്തെങ്കിലും ലേഖനിച്ചിട്ടുണ്ടോ?*
    .
    ഇത്തരം “കഥകളൊക്കെ” വക്രമനസ്സുള്ള ഈവക ജ്ജിബ്ബുകള്‍ക്ക് *ഓക്കാനം വരുത്തുന്ന കാര്യമല്ലേ…?*
    .
    അറിയപ്പെടുന്ന ഇടയന്മാർ ചെയ്തു കൂട്ടുന്ന നിരവധി തിന്മകൾക്കെതിരേ :
    *”എനിക്കിത് സഹിക്കാൻ പറ്റുന്നില്ല, ഇതൊരു തിന്മയാണ്, പ്രതികരിക്കണം…”* – എന്നു കത്തോലിക്കാ *തിരുസഭയില്‍ നിലവിളിച്ചു നൊമ്പരപ്പെടുന്ന* സഭാ സ്നേസികളായ എത്രപേരെ ഈവക ജ്ജിബ്ബുകള്‍ക്കറിയാം?
    .
    വിശുദ്ധ ജീവിതം നയിക്കുന്ന 99% വൈദികരെയും സന്യസ്തരെയും അവഹേളിക്കുന്ന തരത്തില്‍, ചില സഭാധികാരികള്‍ സഭയ്ക്കുള്ളിലെ തെറ്റുകാരെ സംരക്ഷിക്കുന്ന തീരുമാനങ്ങള്‍ കഴിഞ്ഞ കാലയളവില്‍ കൈക്കൊണ്ടപ്പോള്‍ ഈവക ജ്ജിബ്ബുകളുടെ *തൂലികയില്‍ മഷി ഉണങ്ങി വരണ്ടിരുന്നോ ?*
    .
    സ്വന്തം ഇരിപ്പിടവും അധികാരവും പ്രശസ്തിയും ഉറപ്പാക്കാന്‍, ഏതു തിന്മകള്‍ക്കും കൂട്ടുനിന്നുകൊണ്ട്, ഈവക ജ്ജിബ്ബുകള്‍
    *സഭാ നേതൃത്വത്തെ വഴിതെറ്റിക്കാന്‍ ബഹുമിടുക്കരാണ്…!*
    .
    ഈവക ജ്ജിബ്ബുകളില്‍ ദൈവം അത്ഭുതകരമായി ഇടപെടുന്നത് കാണാന്‍ സഭാ മക്കള്‍ ജാഗരൂകരാണ്…
    .
    കാരണം വിരലില്‍ എണ്ണാവുന്നവര്‍ മാത്രമാണ് യേശുക്രിസ്തുവിനെതിരെയും കത്തോലിക്കാ വിശ്വാസത്തിനെതിരെയും നീങ്ങുന്ന ഈവക ജ്ജിബ്ബുകൂട്ടങ്ങള്‍…
    .
    *ദ്ദ ! അദ്ദാണ്—–!*

    “ഉചിതമായ സന്ദര്‍ഭങ്ങളില്‍ സംസാരിക്കാതെ *പിൻവാങ്ങരുത്‌;* ജ്‌ഞാനം നീ മറച്ചുവയ്‌ക്കരുത്‌”
    (പ്രഭാ 4,23).
    .
    സഭയ്ക്കെതിരെ ഈവക ജ്ജിബ്ബുകള്‍ നടപ്പിലാക്കുന്ന അസത്യലേഖനങ്ങള്‍ക്കെതിരെ, നടപടികള്‍ക്കെതിരേ,
    ഇതുവരെ സഭാമക്കളും ക്രൈസ്തവ വിശ്വാസികളും പുലർത്തിയിരുന്ന ഭാഗികമായ നിസ്സംഗതയും നിശ്ശബ്ദതയും യേശുക്രിസ്തു സ്ഥാപിച്ച സഭയ്ക്കും ക്രൈസ്തവ സമൂഹത്തിനും *വലിയ ദോഷങ്ങൾ ഉണ്ടാക്കിക്കഴിഞ്ഞു,*
    .
    ആയതിനാല്‍,
    ഈവക ജ്ജിബ്ബുകളെ *ഉരുളയ്ക്ക് ഉപ്പേരി കണക്കേ,*
    കാര്യങ്ങള്‍ ഉത്സാഹിച്ചു നീക്കിത്തുടങ്ങിയ നിരവധി കുഞ്ഞു മനസ്സുകളെ ഈവക ജ്ജിബ്ബുകള്‍ *വരാനിരിക്കുന്ന ദിനങ്ങളില്‍ മനസ്സിലാക്കാനിരിക്കുന്നെയുള്ളൂ…!*
    .
    ഇനിയും സഭാമക്കള്‍, ഇടവകാംഗങ്ങള്‍, രൂപതാംഗങ്ങള്‍ *ഉറങ്ങരുത്; ഉറക്കം നടിക്കരുത്…*
    .
    സത്യസഭയെയും, പരമ്പരാഗത കത്തോലിക്കാ വിശ്വാസത്തെയും സംരക്ഷിക്കാന്‍ സഭാമക്കള്‍തന്നെ ഉണരണം…
    .
    ദൈവപ്രമാണങ്ങള്‍ക്കെതിരെ ഈവക ജ്ജിബ്ബുകള്‍ വിളമ്പുന്നവ തെറ്റാണെന്നും, അവര്‍ക്ക് അപ്രീയകരമായ മറ്റു സത്യങ്ങളും ദൈവജനം *വിളിച്ചുപറയണം, മുഖത്തു നോക്കി…!*
    .
    വിശ്വാസ- കൂദാശ- പ്രമാണ സംരക്ഷ്കരാകേണ്ടത് ദൈവജനമാണ്,
    അല്മായരാണ്, ഇടവാകാംഗങ്ങളാണ്,
    രൂപതാംഗങ്ങളാണ്…
    .
    കര്‍ത്താവായ യേശുക്രിസ്തുവിനോട്‌ സ്ഥിരതയുള്ള നിലപാടില്ലാത്ത ആത്മീയ-സഭാ നേതൃത്വങ്ങൾ വിശ്വാസീസമൂഹത്തിന് ഭാരമാണെന്നു പറയാതെ വയ്യാ;
    .
    വിളിച്ചുപറയാതെ വയ്യാ,
    .
    ഉറക്കെ വിളിച്ചുപറയാതെവയ്യാ…
    .
    അതോടൊപ്പം,
    ഓര്‍ക്കണം,
    മേല്‍വിവരിച്ച കണ്ണും കാതും അടച്ചുവെച്ച് ഉച്ചത്തില്‍ മോങ്ങുന്ന കത്തോലിക്കാ ജ്ജിബ്ബുകളെ അപ്പാടെ അവഗണിച്ചുകൊണ്ട്, *രാജാവിന്‍റെ നഗ്നത കൂവി വിളിച്ചു പറയുകയുംവേണം…!*
    .
    ✍️🔥
    -ഡിലന്‍ ഡിസോസ്സാ

LEAVE A REPLY

Please enter your comment!
Please enter your name here

Most Popular

കൊച്ചി നാവിക ആസ്ഥാനവും ഷിപ്പ് യാർഡും ആക്രമിക്കാൻ പദ്ധതി; അറസ്റ്റിലായവർ പാക്ക് അൽ ഖായിദ പരിശീലനം നേടിയവർ

കൊച്ചി: കേരളത്തെ മുഴുവൻ ഞെട്ടിപ്പിച്ചുകൊണ്ടാണ് കൊച്ചിയില്‍ 3 അല്‍ ഖായിദ ഭീകരര്‍ പിടിയിലായെന്ന വാര്‍ത്ത ഇന്ന് രാവിലെ പുറത്തുവന്നത്. ഐഎസ് ഭീകരവാദികൾ കേരളത്തിൽ ഉണ്ടെന്നു യുഎന്‍ റിപ്പോര്‍ട്ട് വരികയും, കേന്ദ്രസർക്കാർ ...

കൊച്ചിയിലും ബംഗാളിലും NIA റെയ്ഡ്; 9 അൽ-ഖ്വയ്ദ ഭീകരവാദികൾ പിടിയിൽ… 3 പേർ കൊച്ചിയിൽനിന്ന്.

കൊച്ചി: കേരളത്തിലും പശ്ചിമബംഗാളിലുമായി ദേശീയ അന്വേഷണ ഏജൻസി നടത്തിയ പരിശോധനയിൽ 9 അൽ-ഖ്വയ്ദ ഭീകരവാദികൾ പിടിയിലായി.രാജ്യത്ത് ബംഗാളിലും കൊച്ചിയിലുമായി 12 സ്ഥലങ്ങളിൽ എൻഐഎ നടത്തിയ റെയ്ഡിലാണ് കൊച്ചിയിൽ നിന്ന് മൂന്നും ബംഗാളിൽ...

പ്രതികരിക്കുന്നവർ വർഗീയ വാദികളോ? പ്രതികരിക്കുന്നവരെ വർഗീയ വാദികളായി ബ്രാൻഡ് ചെയ്യുന്നവർക്ക് മറുപടിയുമായി തറയിൽ പിതാവ്

ചങ്ങനാശ്ശേരി: ഇന്നത്തെ സമൂഹത്തിൽ ക്രൈസ്തവര്‍ നേരിടുന്ന വിവേചനങ്ങളും ഭീകരവാദത്തിന്റെ അതിപ്രസരവും തുറന്നുകാണിച്ചുള്ള ചര്‍ച്ചകളും പ്രതികരണങ്ങളും ഇന്ന് ദേശീയ മധ്യമങ്ങളിൽ പോലും സജീവ ചർച്ച ആയിരിക്കെ, തീവ്രവാദത്തിനെതിരെ സംസാരിക്കുന്നവരെ ബ്രാൻഡ്...

കേരളത്തിൽ ഐസിസിന്റെ സജീവ സാന്നിദ്ധ്യം, ഭീകരർക്ക് വിദേശ സഹായം ലഭിക്കുന്നുണ്ടെന്ന് കേന്ദ്രസർക്കാർ രാജ്യസഭയിൽ. സമഗ്ര അന്വേഷണത്തിന് എൻ ഐ എ

ഡൽഹി: കേരളത്തിൽ ഇസ്ലാമിക് സ്റ്റേറ്റ് സാന്നിദ്ധ്യമുണ്ടെന്ന് കേന്ദ്രസർക്കാർ രാജ്യസഭയിൽ വ്യക്തമാക്കി. കേരളം അടക്കം 11 സംസ്ഥാനങ്ങളിൽ ഐഎസ് ഭീകരസംഘടനയുടെ സാന്നിധ്യമുണ്ടെന്നാണ് കേന്ദ്ര ആഭ്യന്തര മന്ത്രാലയം രാജ്യസഭയിൽ അറിയിച്ചത്. ഇക്കാര്യം എൻ ഐ എ...

Recent Comments